निर निमगाव (ता. इंदापूर) येथे वादळी वाऱ्यासह जोरदार पाऊस; अनेकांच्या घरांचे पत्रे उडाले, झाडे उन्मळून रस्त्यावर
संपादक.सुनील निकम 7038353599
ता. इंदापूर.
निर निमगाव:
गेल्या काही दिवसांपासून असह्य उकाड्याने त्रस्त असलेल्या इंदापूर तालुक्यातील निर निमगाव आणि परिसर नागरिकांना आज निसर्गाने काही प्रमाणात दिलासा दिला. आज अचानक आलेल्या वादळी वाऱ्यासह मुसळधार पावसाने हजेरी लावली. या पावसामुळे वातावरणात गारवा निर्माण झाला असला, तरी सोसाट्याच्या वादळी वाऱ्यामुळे परिसरात मोठे नुकसान झाले आहे.आज दुपारच्या सुमारास अचानक आकाश ढगाळून आले आणि काही वेळातच विजांच्या कडकडाटासह वादळी वाऱ्याला सुरुवात झाली. वाऱ्याचा वेग इतका प्रचंड होता की, अनेक नागरिकांच्या घरांवरील आणि जनावरांच्या गोठ्यांचे पत्रे उडून गेले. सुदैवाने यात कोणतीही जीवितहानी झाल्याचे वृत्त नाही, परंतु नागरिकांचे आर्थिक नुकसान झाले आहे.वीजपुरवठा खंडित
वादळी वाऱ्यामुळे परिसरातील अनेक मोठी झाडे उन्मळून पडली. विजेचे खांब आणि तारांवर झाडांच्या फांद्या पडल्याने परिसराचा वीजपुरवठा खबरदारीचा उपाय म्हणून आणि बिघाडामुळे खंडित झाला होता.
नागरिकांना दिलासा अन् चिंताही…
गेल्या काही आठवड्यांपासून कडक ऊन आणि घामाच्या धारांनी बेजार झाले होते. आज झालेल्या पावसामुळे उकाड्यापासून मोठी सुटका झाली असून हवेत छान गारवा पसरला आहे. मात्र, अचानक आलेल्या या वादळाने झालेल्या नुकसानामुळे बाधितांना आता प्रशासनाकडून पंचनामे करून मदतीची अपेक्षा आहे.
