अकलूज पोलिसांची झंझावाती कामगिरी! चोरीला गेलेली ईको गाडी २४ तासांत ताब्यात; सीसीटीव्ही ठरले गेमचेंजर
सहसंपादक महेश पांडवे 9511875416
(प्रतिनिधी):
अकलूज .पोलीस ठाण्याच्या हद्दीत चोरीच्या घटनांना आळा घालण्यासाठी पोलिसांनी कंबर कसली असून, चोरीला गेलेले चारचाकी वाहन अवघ्या २४ तासांच्या आत हस्तगत करून पोलिसांनी चोरट्यांचे धाबे दणाणले आहेत. सीसीटीव्ही फुटेजच्या तांत्रिक तपासाच्या आधारे पोलिसांनी ही यशस्वी कामगिरी केली.बागेवाडी (ता. माळशिरस) येथील रहिवासी आणि व्यवसायाने आचारी असलेले दिलीप सिंग राजपूत (वय ४६) यांची ईको गाडी (क्र. MH 45 Q 8970) ही पाटीदार भवन परिसरातून अज्ञात चोरट्याने लंपास केली होती. आपली गाडी चोरीला गेल्याचे लक्षात येताच राजपूत यांनी तात्काळ अकलूज पोलीस ठाण्यात धाव घेतली.पोलीस कारवाई आणि तपास याप्रकरणी अकलूज पोलीस ठाण्यात गु. र. नं. २२१/२०२६, बीएनएस ३०३(३) प्रमाणे गुन्हा दाखल करण्यात आला होता. गुन्हा दाखल होताच पोलीस अधीक्षक अतुल कुलकर्णी अप्पर पोलीस अधीक्षक प्रीतम येलगावकर व अकलूज उपविभागीय अधिकारी संतोष वाळके यांच्या मार्गदर्शनाखालीपोलीस निरीक्षक नीरज उबाळे पोलीस अंमलदार विनोद साठे शिवकुमार मदभावी बबलू गाडे यांच्या पथकाने तपासाची चक्रे वेगाने फिरवली.सीसीटीव्ही फुटेजचा आधार: पोलिसांनी घटनास्थळावरील आणि परिसरातील सीसीटीव्ही कॅमेऱ्यांचे फुटेज तपासले.संशयित हालचाली आणि वाहनाचा मार्ग यांचा तांत्रिक अभ्यास करून पोलिसांनी आरोपीचा माग काढला.
२४ तासांत यश: सलग तपास करत पोलिसांनी अवघ्या २४ तासांच्या आत चोरीला गेलेली ईको गाडी शोधून काढली आणि ती आपल्या ताब्यात घेतली.
नागरिकांकडून पोलिसांचे कौतुक
पाटीदार भवन सारख्या गजबजलेल्या भागातून गाडी चोरीला गेल्यामुळे नागरिकांमध्ये भीतीचे वातावरण होते. मात्र, अकलूज पोलिसांनी अत्यंत तत्परतेने तपास करून वाहन मालकाला दिलासा दिला आहे. या कामगिरीबद्दल पोलीस पथकाचे सर्वत्र कौतुक होत आहे.
