अंकोली प्रतिनिधी – दादासाहेब जगताप, पोलिस क्राईम नामा पश्चिम महाराष्ट्र संपादक.
सोलापूर, १ नोव्हेंबर – सोलापूर जिल्ह्याचा डंका पुन्हा एकदा राज्यभर वाजला आहे! महाराष्ट्र राज्य लोकसेवा आयोगाच्या (MPSC) 2024 च्या परीक्षेत मोहोळ तालुक्यातील कोन्हेरी गावचा सुपुत्र विजय लमकने यांनी महाराष्ट्रात प्रथम क्रमांक पटकावला आहे. त्यांच्या या ऐतिहासिक यशाने संपूर्ण सोलापूर जिल्हा अभिमानाने नतमस्तक झाला आहे.
विजय लमकने यांनी आपल्या जिद्दी, चिकाटी आणि अथक मेहनतीच्या जोरावर उपजिल्हाधिकारी पदासाठी पात्रता मिळवली असून, ग्रामीण भागातून महाराष्ट्रात प्रथम येण्याचा पराक्रम करून दाखवला आहे. मर्यादित साधनसंपत्ती असूनही त्यांनी सातत्य, अभ्यासू वृत्ती आणि ध्येयनिष्ठा यांच्या बळावर हे शिखर गाठले आहे.
त्यांचे हे यश केवळ वैयक्तिक नाही, तर सोलापूर जिल्ह्याच्या नावावर कोरला गेलेला एक सुवर्णअध्याय आहे. विजय यांनी सिद्ध केले आहे की — “स्वप्नं मोठी ठेवा आणि प्रयत्न प्रामाणिक करा, यश नक्कीच मिळते!”
सोलापूर जिल्ह्यासह संपूर्ण महाराष्ट्रातील युवकांसाठी विजय लमकने यांचे हे यश प्रेरणादायी ठरत आहे. त्यांच्या या उत्कृष्ट कामगिरीबद्दल त्यांना मनःपूर्वक अभिनंदन आणि पुढील कार्यासाठी हार्दिक शुभेच्छा..!
