सोलापूर शहर सहाय्यक पोलीस आयुक्त मनोजकुमार यादव यांनी स्वीकारला पदभार; ‘पोलीस क्राईम नामा’न्यूज च्या टीमने केला विशेष सत्कार!
उपसंपादक. विजय वाईकर.
सोलापूर:
सोलापूर शहर सहाय्यक पोलीस आयुक्त (ACP) पदी मनोजकुमार यादव यांनी पदभार स्वीकारला आहे. त्यांच्या या नवीन नियुक्तीबद्दल ‘पोलीस क्राईम नामा न्यूज’चे उपसंपादक विजय वाईकर व त्यांच्या संपूर्ण टीमच्या वतीने मनोजकुमार यादव साहेब यांची सदिच्छा भेट घेऊन त्यांचा पुष्पगुच्छ व शाल देऊन जंगी सत्कार करण्यात आला आणि पुढील वाटचालीस उदंड शुभेच्छा देण्यात आल्या.
पदभार स्वीकारल्यानंतर आयोजित करण्यात आलेल्या या विशेष भेटी दरम्यान, शहरातील कायदा व सुव्यवस्था अबाधित ठेवणे, गुन्हेगारीवर नियंत्रण मिळवणे आणि पोलीस प्रशासनाचा नागरिकांशी थेट संवाद अधिक मजबूत करणे यावर सहाय्यक पोलीस आयुक्त मनोजकुमार यादव यांनी भर दिला. समाजोपयोगी आणि निष्पक्ष पत्रकारितेच्या माध्यमातून पोलीस आणि जनतेमधील दुवा मजबूत करण्याचे काम मीडियाने करावे, असे आवाहनही त्यांनी याप्रसंगी केले.
याप्रसंगी ‘पोलीस क्राईम नामा न्यूज’चे उपसंपादक विजय वाईकर यांनी मनोजकुमार यादव यांच्या प्रशासकीय अनुभवाचा व कार्यकुशलतेचा सोलापूर शहराच्या सुरक्षिततेसाठी आणि पोलीस प्रशासनाच्या अधिक बळकटीकरणासाठी मोठा फायदा होईल, असा विश्वास व्यक्त केला.
या सत्कार प्रसंगी ‘पोलीस क्राईम नामा न्यूज’चे उपसंपादक विजय वाईकर, प्रतिनिधी आणि संपूर्ण डिजिटल मीडिया टीम उपस्थित होती. या भेटीदरम्यान अत्यंत सौहार्दपूर्ण वातावरणात चर्चा झाली.
”कायदा व सुव्यवस्थेचे रक्षण करण्यासाठी पोलीस प्रशासन सदैव तत्पर असून, नागरिकांची सुरक्षा हीच आमची प्राथमिकता राहील.”
— मनोजकुमार यादव, सहाय्यक पोलीस आयुक्त, सोलापूर शहर
