मोहोळ पोलिसांची धडाकेबाज कारवाई; मौजे अंकोली येथे २०.१९ लाखांचा ४०.३८५ किलो गांजा जप्त

महाराष्ट्र कार्यकारी संपादक. दादासाहेब जगताप

मोहोळ. पोलीस ठाणे व स्थानिक गुन्हे शाखा (एलसीबी), सोलापूर ग्रामीण यांनी संयुक्तपणे केलेल्या धाडसी कारवाईत अंकोली (ता. मोहोळ) येथून ४०.३८५ किलो गांजा जप्त करण्यात आला. जप्त केलेल्या गांजाची अंदाजे किंमत ₹२०,१९,२५० इतकी असून, या प्रकरणी भैरवनाथ नरहरी भोसले (वय ५१, रा. अंकोली) याच्याविरुद्ध एनडीपीएस (NDPS) कायद्यान्वये गुन्हा दाखल करण्यात आला आहे.
गुप्त माहितीच्या आधारे छापा
पोलीस निरक्षक दीपक पाटील यांच्या मार्गदर्शनाखाली दि. १६ जुलै २०२६ रोजी मोहोळ पोलीस ठाणे व स्थानिक गुन्हे शाखेला मिळालेल्या गोपनीय माहितीच्या आधारे अंकोली येथील शेतातील गोठ्याजवळील पत्र्याच्या खोलीवर छापा टाकण्यात आला.
वरिष्ठ अधिकाऱ्यांची परवानगी घेऊन दोन पंच व पोलीस पथकाच्या उपस्थितीत ही कारवाई करण्यात आली.
पत्र्याच्या खोलीत साठवलेला गांजा जप्त छाप्यादरम्यान शेतातील गोठ्यालगत असलेल्या पत्र्याच्या खोलीची झडती घेतली असता विविध प्लास्टिकच्या पोत्यांमध्ये भरून ठेवलेला ४०.३८५ किलो गांजा आढळून आला. पोलिसांनी संपूर्ण मुद्देमाल जप्त केला असून त्याची अंदाजे किंमत ₹२०,१९,२५० असल्याचे सांगण्यात आले.एनडीपीएस कायद्यान्वये गुन्हा
या प्रकरणी आरोपीविरुद्ध अंमली औषधे व मनोव्यापारावर परिणाम करणारे पदार्थ अधिनियम, १९८५ (NDPS Act) अंतर्गत कलम ८(क) सह २०(ब)(ii)(C) अन्वये गुन्हा दाखल करण्यात आला आहे.

मोहोळ पोलीस ठाण्यात गुन्हा क्रमांक ६९९/२०२६ नोंद करण्यात आला असून, या प्रकरणाचा पुढील तपास सहाय्यक पोलीस निरीक्षक सपोनी / अतकरे करीत आहेत.
कारवाईचे महत्त्व या धाडसी कारवाईमुळे मोहोळ तालुक्यातील अंमली पदार्थांच्या अवैध व्यापाराविरोधात पोलिसांनी कठोर भूमिका घेतल्याचे पुन्हा एकदा स्पष्ट झाले आहे. अंमली पदार्थांच्या तस्करीला आळा घालण्यासाठी मोहोळ पोलीस व स्थानिक गुन्हे शाखेची कारवाई पुढेही सुरू राहणार असल्याचे संकेत या कारवाईतून मिळाले आहेत.