मोहोळ पोलिसांची धडाकेबाज कारवाई! रामहिंगणे येथे अवैध वाळू उपशावर धाड; ५.०७ लाखांचा मुद्देमाल जप्त
सहसंपादक महेश पांडवे 9511875416.
मोहोळ:
मोहोळ तालुक्यातील रामहिंगणे येथे अवैध वाळू उपसा करणाऱ्या वाळू माफियांवर मोहोळ पोलिसांनी अचानक धाड टाकून मोठी कारवाई केली आहे. या धडाकेबाज कारवाईमुळे तालुक्यातील वाळू माफियांचे धाबे दणाणले असून, पोलिसांनी या कारवाईत ट्रॅक्टर आणि ट्रॉलीसह सुमारे ५ लाख ७ हजार रुपयांचा मुद्देमाल जप्त केलाआहे.
अचानक पडलेल्या धाडीने वाळू माफियांची पळापळ
मिळालेल्या माहितीनुसार, रामहिंगणे परिसरात छुप्या पद्धतीने अवैध वाळू उपसा सुरू असल्याची खात्रीशीर माहिती पोलिसांना मिळाली होती. या माहितीच्या आधारे मोहोळ पोलिसांनी सापळा रचून अत्यंत गोपनीयतेने आणि अचानक ही कारवाई केली. पोलिसांचे वाहन पाहताच वाळू माफियांची चांगलीच पळापळ झाली.
पाच लाखांहून अधिकचा मुद्देमालजप्त या धडक कारवाई दरम्यान पोलिसांनी घटनास्थळावरून खालील मुद्देमाल जप्त केला आहे:
ट्रॅक्टर व ट्रॉली: अंदाजे किंमत रु. ५,००,०००/-
अवैध वाळू (१ ब्रास): अंदाजे किंमत रु. ७,०००/-
एकूण जप्त मुद्देमाल: रु. ५,०७,०००/- (पाच लाख सात हजार रुपये)
ही धडाकेबाज कारवाई मोहोळचे पोलीस निरीक्षक दीपक पाटील साहेब यांच्या थेट मार्गदर्शनाखाली पोलीस पथकाने यशस्वीरित्या पार पाडली.
तालुक्यात कोणत्याही प्रकारचा अवैध धंदा खपवून घेतला जाणार नाही, असा इशारा पोलीस प्रशासनाकडून देण्यात आला आहे. या कारवाईमुळे अवैध वाळू उपसा करणाऱ्यांचे कंबरडे मोडले असून, नागरिकांमधून पोलिसांच्या या भूमिकेचे स्वागत होत आहे. याप्रकरणी मोहोळ पोलीस ठाण्यात पुढील कायदेशीर कारवाई सुरू आहे.
