संपादक- सुनील निकम
अकलूज: माळशिरस तालुक्यातील वाघोली येथील तरुण उद्योजक दत्तात्रय गाडे आणि तानाजी गाडे या बंधूंनी अकलूज येथे नुकत्याच सुरु केलेल्या ‘श्री इलेक्ट्रिकल्स’ या नवीन दुकानाचे उद्घाटन शिवतेजसिंह मोहिते पाटील यांच्या शुभहस्ते करण्यात आले. याप्रसंगी मोहिते पाटील यांनी गाडे बंधूंना त्यांच्या नवीन व्यवसायासाठी मनःपूर्वक शुभेच्छा दिल्या.
माळशिरस तालुक्यातून येऊन अकलूजसारख्या महत्त्वाच्या ठिकाणी व्यवसाय सुरू केल्याबद्दल शिवतेजसिंह मोहिते पाटील यांनी गाडे बंधूंचे विशेष कौतुक केले. आजच्या काळात युवकांनी नोकरीच्या मागे न लागता स्वतःचा व्यवसाय सुरू करून इतरांनाही रोजगार उपलब्ध करून देण्याच्या दिशेने पाऊल उचलणे गरजेचे आहे, असे मत त्यांनी व्यक्त केले. ‘श्री इलेक्ट्रिकल्स’च्या माध्यमातून परिसरातील ग्राहकांना चांगल्या दर्जाच्या वस्तू आणि सेवा मिळतील, असा विश्वासही त्यांनी व्यक्त केला.
वाघोली येथील दत्तात्रय गाडे आणि तानाजी गाडे यांनी एकत्र येऊन इलेक्ट्रिकल वस्तूंच्या विक्रीचा हा व्यवसाय सुरू केला आहे. या दुकानामध्ये ग्राहकांना विविध प्रकारचे इलेक्ट्रिकल साहित्य उपलब्ध होणार आहे.
यावेळी उद्घाटन समारंभास परिसरातील अनेक प्रतिष्ठित नागरिक, व्यावसायिक, मित्रमंडळी आणि शुभचिंतक मोठ्या संख्येने उपस्थित होते. सर्वांनी गाडे बंधूंना त्यांच्या नवीन वाटचालीस शुभेच्छा दिल्या.
